Şu gün — 22-nji iýunda säher bilen Solt-Leýk-Sitide (ABŞ) geçen MMA söweş sungatlarynyň garyşyk görnüşi boýunça «PFL 5» ýaryşynyň çäginde türkmen söweşijisi Döwletjan Ýagşymyradow kamerunly Simon Biýongyň garşysyna çykdy.

Ýarym agyr agramda geçen duşuşyk 3 raundlap dowam etdi we eminleriň biragyzdan gelen netijesi esasynda Döwletjan Ýagşymyradowyň ýeňşi bilen tamamlandy (30–27, 30–27, 30–27).

Bu üstünlik türkmen türgeniniň hasabyny söweş sungatlarynyň garyşyk görnüşi boýunça 23-nji ýeňiş hökmünde bezedi.