Türkmenistanyň Futbol federasiýasy ýurduň milli çempionatynyň üçünji aýlawyndan we Kubok ýaryşlarynyň şu möwsüminden başlap, her bir duşuşygy wideoýazgy edip başlady.

Şeýlelikde, mundan beýläk federasiýada we Ýokary liga wekilçilik edýän klublarda geçirilen resmi duşuşyklaryň arhiwi bolar.

Federasiýa tarapyndan berilýän täze hyzmat toparlaryň tälimçilerine oýunlara seljerme bermäge ýardam berer. Çünki her bir duşuşygyň ýazgysy şol duşuşyga gatnaşan toparlara göçürilip berilýär.

Şeýle hem Federasiýanyň Eminler bölümi bu ýazgylaryň üsti bilen berkidilen eminleriň duşuşyklary alyp barşyna seljerme berer.

TFF milli ýaryşlaryň geçiriliş derejesini ýokarlandyrmak üçin başga-da birnäçe özgertmeleri göz öňünde tutýar.