Eýranyň milli ýygyndysy 2026-njy ýylyň Dünýä çempionatyna saýlama oýnunda Katary 4:1 hasaby bilen ýeňdi.

Ýeňijileriň hatarynda Serdar Azmun (42-nji we 48-nji minutlar) we Mohammad Mohebi (65, 90+8) gol geçirdiler. Kataryň milli ýygyndysyndan bolsa Almoez Ali (17) tapawutlandy.

Günüň beýleki oýunlarynda Özbegistanyň milli ýygyndysy BAE-ni (1:0), Gyrgyzystanyň milli ýygyndysy bolsa KND-ni (1:0) ýeňdi.

Eýran we Özbegistan milli ýygyndylary 4 oýunda 10 utuk gazanyp, A toparynyň ýaryş tablisasynda öňdeligi dowam etdirýärler. BAE we Katar 3-nji we 4-nji orunlary paýlaşýarlar, olaryň hersinde dört utuk bar, soňra Gyrgyzystan (3) we KND (2) gelýär.

Indiki oýunda eýranlylar 14-nji noýabrda KND bilen oýnarlar, Özbegistanyň milli ýygyndysy Katar bilen duşuşar, Gyrgyzystan bolsa BAE bilen oýnar.

2026-njy ýylyň Dünýä çempionaty Meksikada, ABŞ-da we Kanadada 11-nji iýundan 19-njy iýula çenli geçiriler. Aziýanyň saýlama ýaryşyndan final bölegine göni alty topar geçer.