3x3 basketbol boýunça Türkmenistanyň erkekler ýygyndysy 7-8 dekabr aralygynda Russiýanyň Kaluga şäherindäki 'Merkezi' sport köşgünde geçiriljek Birleşen Kontinental Ligasynyň Superfinalyna gatnaşar.

Bu ýaryşda Russiýadan, Belarusdan, Gazagystandan, Gyrgyzystandan, Türkmenistandan, Serbiýadan, Türkiýeden we Fransiýadan 12 erkekler we 8 zenanlar topary gatnaşar.

Bijeler çekilişiniň netijelerine görä, türkmen basketbolçylary Gyrgyzystanyň we Moskwanyň 'Runa' klubunyň toparlary bilen 'C' toparyna düşdi.

Superfinalyň çäginde baý sport we dynç alyş maksatnamasy meýilleşdirilýär. Esasy basketbol söweşlerinden başga-da, tomaşaçylary meşhur türgenleriň gatnaşmagynda smaç bäsleşigi we DJ-leriň çykyşlary bilen aýdym-saz şüweleňi garaşýar.