“Türkmenistan: Altyn asyr” neşiriniň habaryna görä, Özbegistanda geçirilen “Georgi Agzamow Memorial” 17-nji açyk halkara küşt ýaryşynda türkmen küştçüsi Jemal Öwezdurýewa ajaýyp netije görkezdi.

10 tapgyrda Şweýsariýa ulgamyna laýyklykda geçirilen ýaryşa 18 ýurtdan 247 küştçi gatnaşdy. “A” saýlama toparynda 92 türgen bäsleşdi, şol sanda 15 erkek halkara grossmeýster, 13 erkek halkara ussady, 2 aýal grossmeýster we 4 aýal halkara ussat.

Türkmenistanyň adyndan halkara ussady Saparmurat Atabaýew we FIDE ussady Jemal Öwezdurdiýewa çykyş etdiler. Atabaýew 6.5 oçko toplap, 10-njy ýeri eýeledi, Öwezdurýewa bolsa 5.5 oçko toplap umumy sanawda 27-nji, zenan gatnaşyjylaryň arasynda birinji ýeri eýeledi.

Jemal Öwezdurdiýewa ýaryşyň dowamynda Belarusly Alekseý Aleksandrow, Russiýaly Igor Agagupow, şeýle hem Özbegistanly U14 dünýä çempiony Afruza Hamdanowa ýaly meşhur grossmeýsterlerden üstün çykdy.