Türkmen futbol kluby «Arkadag» AFK Çagyryş Ligasynda Maldiwleriň «Maziýa Sports» klubuny 2:1 hasaby bilen ýeňdi. Oýun Kuweýtdäki «Al Kuwait Sports Club» stadionynda geçirildi.

Ilkinji ýarymda «Maziýa» Jonatan Zorrillanyň 45-nji minutdaky takyk urgusy bilen öňe saýlandy. Emma duşuşygyň ikinji ýarymynda «Arkadag» oýnuň ugruny üýtgedip bildi: 67-nji minutda Didar Durdyýew tapawutlandy, 76-njy minutda bolsa ýeňiş pökgüsini Altymyrat Annadurdyýew geçirdi.

Wladimir Baýramowyň topary indiki oýnuny 29-njy oktýabrda gyrgyz «Abdyş-Ata» toparyna garşy geçirer, «Maziýa» bolsa «Al-Arabi» bilen duşuşar.