Merkezi Aziýa Futbol Assosiasiýasy (CAFA) yzygiderli ikinji ýyl Aziýanyň iň gowy sebit Assosiasiýasy diýlip ykrar edildi. Bu barada guramanyň resmi web sahypasy habar berýär.

Baýrak gowşurylyş dabarasy Seulda geçirilen ýyllyk gala-dabarasynda boldy. 2015-nji ýylda esaslandyrylan CAFA, Aziýanyň Futbol Konfederasiýasynyň iň ýaş sebit Assosiasiýasy bolup, eýýäm uly abraý gazandy.

CAFA-nyň düzümine alty ýurduň Futbol federasiýalary girýär: Türkmenistan, Owganystan, Eýran, Gyrgyzystan, Täjigistan we Özbegistan. Assosiasiýanyň ştab-kwartirasy Duşenbede ýerleşýär.