Türkmen erkin göreşçileri Sian (Hytaý) şäherinde tamamlanan halkara «Guşak we ýol» ýaryşynda dört medal gazandylar. Türkmenistanyň ýygyndy topary bir altyn, bir kümüş we iki bürünç medal gazandy.

86 kg agram derejesinde altyn medaly Döwlet Orazgylyjow gazandy. 125 kg çenli agram derejesinde kümüş medaly Ziýamuhammet Saparow gazandy, bürünç medallary bolsa Perman Hommadow (70 kg çenli) we Şatlyk Hemelýaýew (97 kg çenli) gazandylar.

Ýaryşlara Hytaýdan, Merkezi Aziýanyň bäş ýurdunyň, şol sanda Türkmenistanyň, Özbegistanyň, Gazagystanyň, Gyrgyzystanyň, Täjigistanyň, şeýle hem Azerbaýjanyň we beýleki ýurtlaryň türgenleri gatnaşdylar.