«Arkadag» futbolçysy Şanazar Tirkişow Türkmenistanyň Ýokary ligasynda noýabr aýynyň iň gowy oýunçysy diýlip yglan edildi. Bu barada Türkmenistanyň Futbol Federasiýasynyň web sahypasynda habar berilýär.

Noýabr aýynda 27 ýaşly futbolçy üç oýunda dört gol geçirdi. Tirkişow, Türkmenistanyň çempionatynda aýyň oýunçysy diýlip yglan edilen «Arkadag» toparynyň ilkinji futbolçysydyr.

Mundan öň şeýle baýraklara «Altyn Asyr» toparyndan Röwşengeldi Halmyradow (awgust aýynyň iň gowy oýunçysy), Mihail Titow – «Altyn Asyr» (sentýabr aýynyň iň gowy oýunçysy) we Elman Tagaýew – «Ahal» (oktýabr aýynyň iň gowy oýunçysy) mynasyp boldular.

Şeýle hem Şanazar Tirkişowyň bu möwsümde «Arkadag» üçin 14 gol geçirenini bellemek gerek, birinji orunda Didar Durdyýew (30 gol), ondan soň Altymyrat Annadurdyýew (24), Begenç Akmämmedow (17) we Elman Tagaýew (15) durýarlar.