Türkmenistanly 8 türgen Manamada (Bahreýn) geçirilýän agyr atletika boýunça Dünýä çempionatynda çykyş edýär. Bu ýaryşa 92 ýurtdan 471 agyr atletikaçy (245 erkek, 226 zenan) gatnaşýar.

Türkmenistanyň erkekler ýygyndysyna 7 ştangaçy türgen girýär: Bunýad Raşidow (73 kg çenli), Bektimur Reýimow (73 kg çenli), Gaýgysyz Töraýew (81 kg çenli), Resul Rejepow (96 kg çenli), Şahzadbek Matýakubow (102 kg çenli),

Döwranbek Hasanbaýew (102 kg çenli) we Atajan Daiýew (109 kg ýokary). Zenanlar ýygyndysyna bolsa bir türgen – 2018-nji ýylyň dünýä çempiony, 45 kg çenli agram derejesindäki Ýulduz Jumabaýewa (59 kg çenli) gatnaşýar.

Türkmenistanyň milli ýygyndysy Dünýä çempionatyna Antalýada taýýarlyk gördi. Biziň türgenlerimiz bu ýerde esasy tälimçi Mansur Rejepowyň ýolbaşçylygynda okuw-türgenleşik ýygnanyşygyny geçirdi.