Braziliýaly hüjümçi Winisius 2024-nji ýylda Halkara Futbol Federasiýasy (FIFA) tarapyndan ýylyň iň gowy oýunçysy diýlip yglan edildi.

2023/24 möwsüminde Winisius “Realyň” düzüminde Ispaniýanyň çempiony boldy. Şeýle hem, ispan kluby Çempionlar Ligasy we UEFA Superkubogyny gazandy. Tomusda geçirilen Amerika Kubogynda, Winisiusyň düzüminde bolan Braziliýanyň milli ýygyndysy, çärýek finalda Urugwaý toparyna (0:0, 2:4 penaltiler boýunça) ýeňlip, ýarym finala çykyp bilmedi.

Winisius bu baýragy ilkinji gezek gazandy. Şeýle hem, FIFA-nyň bellemegine görä iň gowy oýunçylar Portugaliýaly Kriştianu Ronaldu (2016, 2017), Horwatiýaly Luka Modriç (2018), Polýak Robert Lewandowski (2020, 2021) we Argentinaly Lionel Messi (2019, 2022, 2023) diýlip yglan edildi.

Beýleki baýraklarda zenan futbolynda iň gowy oýunçy “Barselona” oýunçysy Aýtana Bonmati, iň gowy tälimçi bolsa Karlo Ançelotti boldy. Iň owadan gol üçin baýragy “Mançester Ýunaýted” oýunçysy Alehandro Garnaço aldy, iň gowy derwezeçiler bolsa Emiliano Martinez we Alissa Naýer diýlip yglan edildi.