«Enfildde» Angliýanyň çempionatynyň 20-nji tapgyrynyň çäklerinde «Mançester Ýunaýted» we «Liwerpul» klublarynyň arasynda duşuşyk geçirildi. Oýun 2:2 hasaby bilen deňme-deň tamamlandy.

Meýdança eýeleriniň düzüminde 59-njy minutda Kodi Gakpo we 70-nji minutda 11 metrlik jerime urgyny dürs ýerine ýetiren Mohamed Salah tapawutlandylar. «Mançester Ýunaýted» klubyndan gollary Lisandro Martines (52-nji) we Amad Diallo (80-nji minutda) geçirdiler.

Bu deňme-deň hasap «Mançester Ýunaýtede» Angliýanyň premýer-ligasyndaky üç ýeňlişli oýunlarynyň yzygiderligini soňlamaga we 23 utuk toplamagyna mümkinçilik berdi, bu bolsa topary ýaryş tertibinde 13-nji oruna çykardy.

«Liwerpul» bolsa öz üç oýunlyk ýeňiş gazanma yzygiderligini togtatdy, emma APL-däki ýeňilmedik döwrüni 15 duşuşyga çenli uzaldyp, 46 utuk bilen öňdeligini saklaýar. Birinji aýlawda «gyzyllar» mankunianlary 3:0 hasaby bilen derbi-dagyn edipdiler.