Türkmenistanyň zenanlar futzal ýygyndysy baş tälimçi Kamil Mingazowyň ýolbaşçylygynda 2025-nji ýylyň Aziýa kubogynyň saýlama ýaryşyna gatnaşmak üçin Daşkende geldi. 

Bijä çekilişiniň netijelerine görä, Türkmenistanyň ýygyndysy C toparyna düşdi we Özbegistan, Awstraliýa, Filippinler we Kuweýt toparlary bilen duşuşar. Mingazowyň şägirtleri ilkinji oýnuny 11-nji ýanwarda Awstraliýanyň ýygyndysyna garşy geçirerler.

C toparynyň ähli oýunlary 11-nji ýanwardan 19-njy ýanwara çenli Daşkentde geçiriler. 2025-nji ýylyň maý aýynda Hytaýda geçiriljek ýaryşyň final bölegine çykmak üçin toparyň toparçada ilkinji iki orny eýelemegi zerurdyr. Şeýle hem, üçünji orny eýelän ýygyndylaryň arasynda iň gowy topar final tapgyryna çykmak mümkinçiligine eýe bolar.

Türkmenistanyň ýygyndysynyň düzümi:

Derwezebanlar: Aýşa Amanberdiýewa – "Dudullu" (Türkiýe), Malika Eminowa – (Lebap welaýaty)

Meýdan oýunçylary: Maýa Musatskaýa – "Žalgiris" (Litwa), Suraý Mämetsahatowa – "Torpedo MAI" (Russiýa), Mariýa Hmyrowa – "Aýdin" uniwersiteti (Türkiýe), Läle Haýypowa – "Bilgi" uniwersiteti (Türkiýe), Mariýa Çaryýewa (kapitan), Kamila Mingazowa, Jeren Mämmedowa, Jemile Babaýewa, Amaliýa Karapetýants, Ejegül Durdyýewa, Malika Mämmedowa, Leýli Atajanowa (ähli – "Altyn Taç", Aşgabat), Perwana Kurbanowa – ("Ýyldyz", Daşoguz welaýaty).

Türkmenistanyň ýygyndysynyň oýun tertibi:

11-nji ýanwar:

15:00 Türkmenistan – Awstraliýa

15-nji ýanwar:

15:00 Filippinler – Türkmenistan

17-nji ýanwar:

15:00 Türkmenistan – Kuweýt

19-njy ýanwar:

18:00 Türkmenistan – Özbegistan