3-nji ýanwarda, anna güni Saud Arabystanynyň çäginde ýerleşýän Bişa şäherinde awtoulag sporty dünýäsinde uly göwrümli we iň uzyn “Dakar-2025” rallisine badalga berildi.

Ralli birnäçe tapgyry öz içine alýar, olaryň her biri öz ýany bilen özboluşly berkligiň we çydamlylygyň synagyny görkezýär. Gatnaşyjynlar çöllerden we daglyk ýerlerden geçýän täsin ugurlar boýunça müňlerçe kilometr ýol geçmeli bolarlar. Sürüjiler ussatlygy we çydamlylygy görkezip, adatdan daşary şertlerde bäsleşerler.

Bäsleşigiň birinji gününde ýolsuz ýerden ýöreýän awtoulaglaryň arasynda deslapky tapgyr geçirildi. Iň oňat wagty “Toyota” toparynda çykyş etýän Günorta Afrika döwletinden Henk Lategan görkezdi. Ikinji orny şwesiýaly Mattias Ekström (Ford) eýeledi. “Dacia” toparynyň wekili katarly Nasser Saleh Al-Attiýa ilkinji üçlügi ýapdy.

Motosikler derejesinde awstraliýaly sürüji Daniel Sanders iň gowy wagty görkezdi. “Dakar-2025”rallisi 17-nji ýanwarda Şubaýtda tamamlanar.