Belarusyň «Witebsk» kluby Türkmenistanyň ýygyndysynyň goragçysy Wepa Jumaýew bilen baglaşan şertnamasyny uzaldýar – diýip, futbol klubynyň metbugat gullugy habar berdi.

24 ýaşly futbolçy bilen şertnama 2025-nji ýylyň gyşyna çenli hereket eder. Wepa Jumaýew 2024-nji ýylyň fewralynda «Energetik-BGU» klubyndan «Witebsk» klubyna geçipdi.

Geçen möwsümde ol Belarusyň çempionatynda 397 minut meýdançada boldy we pökgini hüjümçä geçirip, bir golyň derwezeden salynmagyna ýardam etdi.

«Witebsk» möwsümiň netijesi boýunça 47 utuk toplap, Belarusyň çempionatynda 5-nji orny eýeledi. Ýurduň çempiony diýen ada bolsa Minskiniň «Dinamo» komandasy (68 utuk bilen) mynasyp boldy.