Çempionlar ligasynyň pleý-off tapgyryna gatnaşyjylaryň ählisi belli boldy
Futbol boýunça Ýewropanyň Çempionlar ligasynyň pleý-off tapgyrynyň ähli gatnaşyjylary belli boldy.
Çarşenbe güni esasy tapgyryň jemleýji sekizinji tapgyrynyň 18 oýny geçirildi. Olaryň netijelerine görä, birinji orundan sekizinji orna çenli ýerleri eýelän toparlar 1/8 finala gönüden-göni çykmaga mümkinçilik aldylar. Dokuzynjy orundan 24-nji orna çenli ýerleri eýelän toparlar pleý-off tapgyrynyň aralyk bäsleşiklerinde duşuşmaly bolarlar.
31-nji ýanwarda Şweýsariýanyň Nýon şäherinde geçiriljek bije çekişligiň netijeleri boýunça 1/8 finala çykmak üçin aralyk oýunlaryň jübütleri kesgitlener. Ýokarky orny eýelän toparlar jogap oýunlaryny öýünde geçirerler. Duşuşyklar
11-12-nji we 18-19-njy fewralda geçiriler.
1/8 finala çykmak üçin aralyk bäsleşikleriň mümkin bolan jübütleri şu aşakdaky ýaly bolmagy ahmal:
• «Monako»/«Brest» – «PSG»/«Benfika»;
• «Sporting»/«Brýugge» – «Atalanta»/«Borussiýa»;
• «Seltik»/«Mançester Siti» – «Real»/«Bawariýa»;
«Feýenord»/«Ýuwentus» – «Milan»/«PSV».