Türkmenistanyň Milli Olimpiýa Komiteti «Xplori» halkara tehnologiýa kompaniýasy bilen strategik hyzmatdaşlyk şertnamasyny baglaşdy. Bu hyzmatdaşlyk türkmen türgenlerine eSIM tehnologiýasy arkaly dünýäniň 73 ýurdunda aragatnaşyk hyzmatlary bilen üpjün eder. Bu hyzmatdaşlyk halkara ýaryşlary we türgenleşik ýygnanyşyklary wagtynda türgenlere goldaw bermäge gönükdirilendir. Bu barada Türkmenistanyň MOK-nyň habarynda aýdylýar.

Baglaşylan ylalaşygyň çäklerinde Türkmenistanyň sport jemgyýetiniň agzalary tkmsport promo-kody arkaly ýörite nyrhnamalara we bonus tekliplerine elýeterlilik alarlar. Ýurduň sport wekiliýetleri we milli federasiýalary üçin hem aýratyn şertler hereket eder.

Xplori hyzmatdaşlygyň ösüşine görä hödürlenýän hyzmatlarynyň görnüşlerini giňeltmegi meýilleşdirýär. Kompaniýa ygtybarly aragatnaşygyň we internete elýeterliligiň halkara ýaryşlarynda gazanylýan üstünligiň möhüm ähmiýetli ýagdaý bolup durýandygyny nygtaýar.