Türkmenistanyň futzal topary dostlukly ýaryşa gatnaşmak üçin Minsk şäherine geldi. Olar "Ratomka" bazasyna ýerleşip, ilkinji türgenleşiklerini geçirdi.

20-nji we 22-nji aprelde türkmen türgenleri Belarusiýa, 23-nji aprelde bolsa Milli Çempionatyň bürünç medalyna eýe bolan Minsk bilen oýnar. 

Türkmenistan milli ýygyndysynyň baş tälimçisi 47 ýaşly Ýakup Öwezow hasabyna görä bu oýuna 14 oýunçy gatnaşar:

• derwezebanlar - Meretgeldi Baýramow (1996, Deňizçi), Rahymberdy Halmamedow (1992, Deňizçi),
• meýdan oýunçylary - Kerwen Annaorazow (1998, Köpetdag), Şiri Baýramdurdyýew (1990, Deňizçi), Gylyçmurat Gylyçmyradow (1992, Deňizçi), Akmyrad Durdyýew (2002, Deňizçi), Hamid Meňlibaýew (2001, Deňizçi), Rahatmyrat Nepesow(1996, Senagat bank), Abdulla Nursähedow (1998, Deňizçi), Danil Pançenko (1999, Deňizçi), Gurbangeldi Sähedow (1994, Köpetdag), Maksat Soltanow (1993, Deňizçi), Alişer Hudaýbergenow (1996, Deňizçi), Kirill Çaryew (1999, Deňizçi).

Türkmenistanyň Içeri işler ministrliginiň «Galkan» hokkeý topary şu günler Aşgabat şäherinde geçirilýän halkara ýaryşyň finalyna çykmagy başaran ilkinji topar boldy. «Galkan» bu hukugy şu gün 4-nji tapgyrda Özbegistanyň «Feniks» toparyny uly hasap bilen ýeňenden soň gazandy.

Günüň birinji ýarymynda Gyşky oýunlar sport toplumynyň uly zalynda «Feniks» bilen duşuşan «Galkan» «A» toparçadaky esasy bäsdeşini 9:1 hasabynda ýeňip, toparçalaýyn tapgyrdaky duşuşyklarynyň ählisini hem ýeňiş bilen tamamlady. Bu ýeňişler «Galkanyň» utugyny 12-ä çykardy. Şu gün «Galkandan» asgyn gelen «Feniks» bolsa ertir ýeňiş gazanaýan-da hem 9 utuk bilen ikinji orny eýeläp, umumy ýaryşyň üçünji orny ugrundaky göreşe goşular.

Günüň beýleki duşuşyklarynda «Adihis-Kazan» «Wolaty» 5:3, «Ice Box» «Oman Nationals»-y 6:0, «Dordoý» bolsa «Team Turkiye» toparyny 4:2 hasabynda ýeňdi.

4-nji tapgyrdan soň «A» toparçada «Galkanyň» 12, «Feniks» bilen «Ice Box»-yň 6 utugy bar. Dört tapgyrda üç duuşykda geçiren «Bahreýn» we «Oman nationals» toparlary bolsa heniz utuk gazanyp bilmedi.

Bassyr üçünji duşuşygynda üç ýeňiş gazanan «Adihis-Kazan» «B» toparçada 9 utuk bilen ýaryşyň başyny çekýär. Kazandan gelen hokkeýçileriň finalda «Galkanyň» garşydaşy bolmak mümkinçiligi has ýokary.

6 utukly toparlardan «Wolat» ikinji, «Akmola» üçünji orny eýeleýär. Toparçada «Dordoýyň» 3 utugy bar. Halkara ýaryşdaky çykyşlaryny tamamlan «Team Turkiye» bolsa bir utuk hem gazanyp bilmedi.

Halkara ýaryşda toparçalaýyn tapgyryň jemleýji duşuşyklary ertir ― 19-njy aprelde geçiriler. 20-nji aprelde bolsa birinji, ikinji we üçünji orunlaryň eýelerini kesgitlejek duşuşyklar bolar. Bassyr dört duşuşyk geçiren «Galkan» ertir finalyň öňüsyrasynda dynç alar.

«Galkan» (Türkmenistan) ― «Feniks» (Özbegistan) ― 9:1.

Tapawutlananlar: Perhat Atekäýew (5 şaýba), Erkin Kakabaýew (2 şaýba), Baýmyrat Baýmyradow, Muhammetýar Nuryýew ― Daniel Kogan.

«Wolat» (Belarus) ― «Adihis-Kazan» (Tatarystan) ― 3:6.

Tapawutlananlar: Eduard Grinn (2 şaýba), Nikita Trubisin ― Adel Awzalow (3 şaýba), Aidar Miftahow, Nasser Subhi, Artur Zaripow.

«Oman Nationals» (Oman) ― «Ice Box» (Eýran) ― 0:6.

Tapawutlananlar: Arşiýa Gafuri, Matin Gaharzade (3 şaýba), Abdolfazi Eslami (2 şaýba).

«Team Turkiye» (Türkiýe) ― «Dordoý» (Gyrgyzystan) ― 2:4.

Tapawutlananlar: Ömer Güngör, Burhanettin Bakanogly ― Adil Bekmuratow, Žanbolot Tagaýew, Mamed Seýfulow (2 şaýba).

Türkmen stol tennisi mekdebiniň okuwçylary Ilýas Allanazarow bilen Wepa Meredow 10-njy aprelden 17-nji aprel aralygynda Türkiýäniň Balikesir şäherinde 15 ýaşa çenli oglan we gyzlaryň arasynda geçirilen halkara ýaryşynda kümüş medal gazandylar.

Finalda türkmen türgenleri, 15 ýaşa çenli häzirki Ýewropa çempionlary bolan Türkiýeli tennisçiler Gerkem Okaldan we Kenan Eren Kahramandan 3:2 hasaby bilen ýeňildiler.

Bu ýaryşa Türkmenistanyň we Türkiýäniň wekillerinden başga-da Azerbaýjanyň, Demirgazyk Kipriň, Özbegistanyň, Gazagystanyň we Gyrgyzystanyň türgenleri gatnaşdy.

Aýratynda Ilýas Allanazarowyň 13 ýaşa çenli Ýewropa çempiony we 15 ýaşa çenli Türkiýe çempiony bolan Gerkem Oçaly ýeňip uly üstünlik görkezendigini bellep geçmek gerek.

Bäsleşige türkmen wekilleri hökmünde: Türkmenistanyň Stol tennis federasiýasynyň başlygy Agamurat Allanazarow, tälimçiler Dawud Ýakubow we Seýran Wolçemis, şeýle hem türgenler Ylýas Allanazarow, Wepa Meredow, Gözel Gylyjowa, Aýnur Berdiýewa, Dörtguly Allanazarow gatnaşdy. Bu sapar Türkmenistanyn Bedenterbiye we Sport baradaky Döwlet komitetiniň goldawy bilen gurnaldy.

Federasiýanyň başlygy Türkmenistanyň baýdagyny buýsanç bilen galdyran tennisçileriň üstünliklige ýokary baha berip, Türkmenistanyň Prezidenti Serdar Berdimuhamedowyň we Türkmen Halkynyň Milli lideri Gurbanguly Berdimuhamedowyň goldawy netijesinde ýurtda stol tennisiniň ösüşiniň dowam edýändigini aýtdy.

Agamurat Allanazarow: "Soňky ýyllarda ökde tälimçileriň sany we zehinli ýaş türgenleriň sany köpeldi. Gelejekde ol türgenleriň ýaryşlarda ýurdumyzy has-da beýgeltjekdigine ynanaýaryn" -diýdi.

Mary şäherinden bolan "Olimp" zenan futbol topary, birinji tapgyrdan soň Türkmenistan çempionatynda liderligi eýeledi. Maryly futbolçylaryň hasabyna bäş oýundan 13 oçkony toplap bildi diýip, Türkmenistanyň Futbol federasiýasy habar berýär.

“Altyn Täç” Aşgabat topary liderden bir utuk yzda barýar we turnir tablisasynda ikinji orny eýeleýär. 10 oçko bilen üçünji ýerde Türkmenabatdan “Miras” topary bar.

Çempionata jemi 6 zenan futbol kluby gatnaşýar. Lider toparlardan başga-da, Balkanabatdan “Balkan”, “Aşgabat” we Daşoguzdan “Gurgenç” toparlary hem ýaryşa gatnaşýarlar.

Milli çempionatyň ikinji tapgyry şu güýzde meýilleşdirilýär.

Çempionlar ligasynyň ikinji çärýek finalynda "Real Madrid"  "Mançester Siti"-ni ýeňdi. Bu toparlaryň ilkinji duşuşygy 3:3 hasabynda deňme-deň tamamlandy.

Oýnuň esasy döwründe garşydaşlar deňme-deň pökgi geçirdiler. "Real Madrid" (12-nji minut) Rodrigo, Kewin De Bruýn “Mançester Siti” (76-njy minut) üçin pökgi geçirdi. Goşmaça wagtyň dowamynda hasap üýtgemedi, emma jerime urgusynda "Real Madrid" kluby 4: 3 hasaby bilen ýeňiş gazandy.

1/2 finalyň ilkinji oýunlary 30-njy aprelde we 1-nji maýda, gaýdyp geliş oýunlary 7-nji we 8-nji maýda geçiriler.

2023/24 Çempionlar ligasynyň finaly 1-nji iýunda meýilleşdirilýär we Londonyň Wembli stadionynda geçiriler.

Şu gün ― 17-nji aprelde hokkeý boýunça Aşgabat şäherinde geçirilýän halkara ýaryşda 3-nji tapgyryň duşuşyklary geçirildi. Duşuşyklar Türkmenistanyň «Galkan», Özbegistanyň «Feniks», Belarusyň «Wolat» we Tatarystan Respublikasynyň «Adihis Kazan» toparlarynyň nobatdaky ýeňişlerine beslendi.

Günüň birinji ýarymynda Gyşky oýunlar sport toplumynyň uly zalynda geçirilen duşuşykda «Galkan» Eýranyň «Ice Box» toparyny 13:1 hasabynda ýeňip, ýaryşyň medallary üçin göreşmäge hukuk gazanan ilkinji topar bolmagy başardy. Bu duşuşyk bilen ugurdaşlykda kiçi zalda geçirilen duşuşykda bolsa «Wolat» Gazagystanyň «Akmola» toparyny 6:4 hasabynda ýeňdi.

Sagat 13:00-da başlanan duşuşyklarda «Feniks» «Bahreýnden» 13:3, «Adihis Kazan» bolsa «Team Turkiye» toparyndan 5:1 hasabynda üstün çykdy.

Yzda galan üç tapgyrdan soň «A» toparçada «Galkan» 9 utuk bilen birinji, «Feniks» 6 utuk bilen ikinji orny eýeleýär. «B» toparçada bolsa «Akmola», «Adihis-Kazan» we «Wolat» toparlarynyň her haýsynda 6 utukdan bar.

Halkara ýaryşda ertir ― 18-nji aprelde 4-nji tapgyryň duşuşyklary geçirildi. Tapgyryň çäklerinde günüň birinji ýarymynda «Galkanyň» «Feniks» bilen duşuşmagyna garaşylýar. Bu duşuşyk toparçada birinji orny eýeläp, finala çykjak topary kesgitlär.

Hokkeý boýunça halkara ýaryş, 3-ji tapgyryň netijeleri:

«Galkan» (Türkmenistan) ― «Ice Box» (Eýran) ― 13:1.

Tapawutlananlar: Erkin Kakabaýew, Arslan Geldimyradow, Ahmet Gurbanow, Begenç Döwletmyradow, Pawel Barkowskiý, Serdar Kakajanow, Perhat Atekäýew (3 şaýba), Arslan Nuryýew, Öwezguly Esenow, Aleksandr Wahowskiý, Musa Annasaparow ― Maziar Gorbani.

«Wolat» (Belarus) ― «Akmola» (Gazagystan) ― 6:4.

Tapawutlananlar: Swýatoslaw Zasadskiý, Wladislaw Kowalýow, Eduard Grinn, Nikita Trubisin, Witaliý Marçenklo, Alekseý Zasim ― Sergeý Sokol, Wladislaw Kurmalewskiý (2 şaýba), Mihail Tarasow.

«Feniks» (Özbegistan) ― «Bahreýn» (Bahreýn) ― 13:3.

Tapawutlananlar: Behruz Najmiýew (5 şaýba), Saidabror Boboýew, Abdusamad Nasirow, Daniel Kogan (88), Abdulbosit Abdumalikow, Akim Muhamedow, Otabek Umarow, Danat Raşidow ― Sameh Talat Hasan Hegazi, Salman Raşed Mohamed Ali Sulaibih, Abdulrahman Isa A.Turki.

«Adihis-Kazan» (Tatarystan) ― «Team Turkiye» (Türkiýe) ― 5:1.

Tapawutlananlar: Isa Ahmarow, Raşat Ismagilow, Ilnur Ganiýew, Artur Zaripow, Adel Awzalow ― Kerem Altun.

Ýaryş tertibi:

“A” toparça

“B” toparça

Belarusiýa bilen geçiriljek halkara dostlukly oýunlaryň öňüsyrasynda, Türkmenistan futzal toparynyň baş tälimçisi Ýakub Öwezow Minskdäki FPB Ratomka sport we dynç alyş merkezinde türgenleşige başlajak 14 oýunçynyň adyny aýtdy:

• Derwezebanlar: Rahimberdi Halmamedow, Meretgeldi Baýramow
• Oýunçylar: Gylyçmyrat Gylyçmyradow, Daniil Pançenko, Kirill Çaryýew, Hamid Menglibaýew, Akmyrat Durdiýew, Rakhatmyrat Nepesow, Alişer Hudaybergenow, Maksat Soltanow, Abdylla Nursakhedow, Gurbangeldy Sakhedow

Türkmenistanyň we Belarusiýanyň milli ýygyndy toparlarynyň ilkinji oýny 20-nji aprelde 16:00-da Mogilew olimpiýa sport toplumynda geçiriler. Ikinji oýuny 22-nji aprelde 20:00-da Minskdäki “Uruchye” sport köşgünde bolar.

Dünýä mini-futbol reýtinginde häzirki wagtda Belarusiýayň milli ýygyndysy 28-nji, Türkmenistan milli ýygyndysy 76-njy ýerde durýar.

Şu gün Aşgabatdaky Gyşky oýunlar sport toplumynda hokkeý boýunça halkara ýaryşyň ikinji gününiň duşuşyklary geçirildi. Olarda Türkmenistanyň «Galkan», Belarusyň «Wolat», Gazagystanyň «Akmola» we Eýranyň «Ice Box» toparlary garşydaşlaryndan üstün çykdylar.

Has takygy, günüň birinji ýarymynda «Galkan» Omanyň «Oman Nationals» toparyny 15:1 hasabynda ýeňip, şu ýaryşyň iň uly hasaply ýeňşini gazandy. Şeýle hem günüň birinji ýarymynda «Wolat» Türkiýäniň «Team Turkiye» toparyndan 3:0 hasabynda üstün çykdy.

Günüň ikinji ýarymyndaky duşuşyklarda «Ice Box» «Bahreýni» 8:1, «Akmola» bolsa «Dordoýy» 5:3 hasabynda utdy.

Halkara ýaryşyň «A» we «B» toparçalarda geçirilýändigini ýatladýarys. Ýaryş 20-nji aprelde tamamlanar.

Hokeý boýunça halkara ýaryş, 2-nji günüň netijeleri:

«Galkan» (Türkmenistan) ― «Oman Nationals» (Oman) ― 15:1.

Tapawutlananlar: Döwlet Hydyrow, Gurbanmyrat Taňňyýew, Arslan Geldimyradow, Baýmyrat Baýmyradow, Begenç Döwletmyradow, Perhat Atekäýew, Erkin Kakabaýew (2 şaýba), Pawel Barkowskiý (2 şaýba), Döwrangeldi Baýjaýew, Muhammetýar Nuryýew, Öwezguly Esenow, Nowruz Baýhanow (2 ) ― Ibrahim Al-Gabsi.

«Wolat» (Belarus) ― «Team Turkiye» (Türkiýe) ― 3:0.

Tapawutlananlar: Swýatoslaw Zasadkiý, Eduard Grinn, Arseniý Ýankowskiý.

«Ice Box» (Eýran) ― «Bahreýn» (Bahreýn) ― 8:1.

Tapawutlananlar: Gafuri Arşiýa (2 şaýba), Heidari Amir (2 şaýba), Keýhanfar Jalal, Taiik Hossein, Gaharzade Matin, Abdollahi Mahbod ― Abdulla Mohamed Hulaif Saýer.

«Akmola» (Gazagystan) ― «Dordoý» (Gyrgyzystan) ― 5:3.

Tapawutlananlar: Wladislaw Kurmelewskiý (3 şaýba), Stanislaw Smaglýuk, Mihail Tarasow ― Mamed Seýfulow, Ersultan Mirbekow.

Fransiýanyň «PSŽ» kluby ÝÇL-iň çärýek finalynyň jogap oýnunda myhmançylykda Ispaniýanyň «Barselona» toparyny uly hasapda ýeňdi. Barselona şäherindäki «Olimpiýa» stadionynda geçen oýun 1:4 hasabynda myhmanlaryň peýdasyna tamamlandy.

Ýeňijileriň düzüminde Usman Dembele (40), Witinýa (54) we Mbappe (61, 89) tapawutlandy. «Barselonanyň» ýeke-täk goluny 12-nji minutda Rafinýa geçirdi. Şeýlelikde, «PSŽ» bu ýeňiş arkaly ÝÇL-iň ýarym finalyna ýollanma aldy. Çärýek finalyň deslapky oýnunda «PSŽ» öz öýünde 2:3 hasabynda ýeňlişe sezewar bolupdy.

Günüň ikinji oýnunda «Borussiýa» öz öýünde «Atletikony» 4:2 hasabynda utdy. Oýun Dortmund şäherinde geçirildi.

Ýer eýesiniň düzüminde Ýuliýan Brandt (34), Ian Matsen (39), Niklas Fýullkrug (71) we Marsel Zabitser (74) tapawutlandy. «Atletikonyň» gollary bolsa Mats Hummelsiň (awtogol, 49) we Anhel Korreanyň (64) adyna ýazyldy. Madridde geçen deslapky oýun 2:1 hasabynda «Atletikonyň» ýeňşi bilen tamamlanypdy.

Şeýlelikde, «Borussiýa» öz taryhynda ikinji gezek ÝÇL-iň ýarym finalyna çykdy. Dortmund şäherine wekilçilik edýän topar mundan ozal 2021/13-nji ýylky möwsümde ýaryşyň finalyna çykyp, aýgytlaýjy oýunda «Bawariýadan» asgyn gelipdi.

ÝÇL-iň 2023/24-nji ýylky möwsüminiň finaly 1-nji iýunda «Uembli» stadionynda geçiriler. Turniriň häzirki çempiony Angliýanyň «Mançester Siti» toparydyr.

«Galkan» hokkeý kluby Aşgabatda geçirilýän halkara hokkeý ýaryşynyň üçünji tapgyrynda hem uly hasapda ýeňiş gazandy. Andreý Makarowyň we Meýlis Kulyýewiň şägirtleri Eýranyň «Ice Box» toparyny 13:1 hasabynda ýeňlişe sezewar etdi. Bu «Galkanyň» bassyr üçünji uly hasapdakuy ýeňşidir. Türkmen topary birinji tapgyrda Bahreýniň adybir toparyny 8:1 hasabynda ýeňen bolsa, ikinji tapgyrda «Oman Nations» klubuny 15:1 hasabynda utdy.

Bu ýeňişden soňra «Galkan» utuklarynyň sanyny 9-a ýetirip, «A» toparçada liderligini dowam etdirýär.

«Galkan» indiki oýnuny ertir Özbegistanyň «Feniks» topary bilen geçirer. Duşuşyk Aşgabat wagty bilen sagat 10:00-da başlanar.

4-nji tapgyryň oýunlarynyň tertibi:

18-nji aprel, 4-nji tapgyr

«А» toparça

10:00 «Galkan» (Türkmenistan) – «Feniks» (Özbegistan)
13:00 «Oman Khanjars» (Oman) – «Ice Box» (Eýran)

«В» toparça

10:00 «Wolat» (Belarus) – «Orhis-Kazan» (Russiýa)
13:00 «Team Türkiye» (Türkiýe) – «Dordoý» (Gyrgyzystan)

Şu gün, 16-njy aprelde, halkara hokkeý ýaryşynyň ikinji tapgyry Aşgabatdaky Gyşky sport sport toplumynyň buz meýdançasynda başlaýar. Oýun güni programmasy 4 oýny öz içine alýar:

16-njy aprel, 2-nji tapgyr

Topar "A"

• 10:00 “Galkan” (Türkmenistan) - “Oman” (Oman)
• 13:00 “Bahreýn” (Bahreýn) - “Buz gutusy” (Eýran)

"B" topary

• 10:00 “Volat” (Belarus) - “Team-Turkiye” (Türkiye)
• 13:00 “Akmola” (Gazagystan) - “Dordoi” (Gyrgyzystan)

Ýaryşa iki topara bölünen 10 klub gatnaşar. “A” topary: “Galkan” (Türkmenistan), “Bahreýn buz hokkeý kluby” (Bahreýn), “Ice Box Iran Mall” (Eýran), “Oman Nationals” (Oman) we “Feniks” (Özbegistan). “B” topary öz içine alýar: “Volat” (Belarusiýa), “Akmola” (Gazagystan), “Dordoi” (Gyrgyzystan), “ADIHIC-Kazan” (Russiýa Federasiýasynyň Tatarstan Respublikasy), “Team-Turkiye” (Türkiýe) .

Oýnuň ilkinji gününde Türkmenistanda sekiz gezek çempion bolan “Galkan” Bahreýn toparyny 8: 1 hasaby bilen ynamly ýeňdi. “A” toparyň başga bir oýnunda özbek "Feniks" topary “Oman” milli ýygyndy toparyny 11: 3 hasaby bilen ýeňdi.

“B” toparçada ilkinji ýeňişleri “Akmola” (Gazagystan) we “ADIHIC-Kazan” (Russiýa Federasiýasynyň Tatarstan Respublikasy) gazandy. Gazaklar “Team-Turkiye” toparyny (Türkiýe) 5: 3 hasabynda ýeňdi, ruslar Gyrgyzystandan “Dordoi” klubyny 8: 3 hasabynda ýeňdi.

Litwaly Mikolas Alekna disk zyňmakda 38 ýyllyk dünýä rekordyny täzeledi. ABŞ-da geçirilen “Oklahoma Throws Series” ýaryşynda 21 ýaşly türgen 74,35 metre diski zyňdy we şeýlelik bilen Germaniýaly Ýurgen Şultyň rekordyndan öňe geçdi (74.08 m, 1986).

Aleknanyň bäşinji synanyşygy rekord boldy. Bir hepde öň kesgitlenen şahsy irekordyny 3 metr geçendigini bellemelidiris.

Bu ýaş türgen üçin ilkinji ýeňiş däl. 2022-nji ýylda ol Ýewropa çempionatynda disk zyňmak iň ýaş medalçy bolup, kümüş medala eýe boldy. 2023-nji ýylda bolsa Dünýä çempionatynda bürünç medala eýe boldy.

Mikolas Aleknanyň iki gezek Olimpiýa çempiony bolan Wirgilijus Aleknanyň oglulygyny göz öňünde tutsak onuň bu ýeňişleri geň däl. Wirgiliýus Alekna Sidneý 2000 we Afiny 2004 Olimpiýa oýunlarynyň ýeňijisi we henizem taryhda ikinji orny eýeleýär (73,88 m).